రెండో టెస్ట్‌లోనూ విండీస్ చిత్తు

మలింగ బాగోతాన్ని బయటపెట్టిన చిన్మయి
October 15, 2018
క్రికెట్ కోసమే పృథ్వీ షా పుట్టాడు: రవిశాస్త్రి ప్రశంసలు
October 15, 2018

రెండో టెస్ట్‌లోనూ విండీస్ చిత్తు

తొలి ఇన్నింగ్స్‌లో బాగా ఆడిన వెస్టిండీస్ బ్యాట్స్‌మెన్.. రెండో ఇన్నింగ్స్‌లో చేతులెత్తేశారు. ఉమేశ్ యాదవ్ మరోసారి సత్తా చాటడంతో కేవలం 127 పరుగులు మాత్రమే చేసిన విండీస్ జట్టు ఆలౌటైంది.

వెస్టిండీస్‌తో జరుగుతోన్న రెండో టెస్టులోనూ భారత్ విజయం దాదాపు ఖాయమైపోయింది. రాజ్‌కోట్‌లో జరిగిన తొలి టెస్టులో ఘోరంగా విఫలమై పరాజయం చవిచూసిన విండీస్.. హైదరాబాద్‌ ఉప్పల్‌లోని రాజీవ్‌గాంధీ ఇంటర్నేషనల్ స్టేడియంలో జరుగుతోన్న రెండో టెస్టులో కోలుకున్నట్టు కనిపించింది. తొలి ఇన్నింగ్స్‌లో 311 పరుగుల బాధ్యతాయుత స్కోర్ సాధించింది. భారత్‌ను కూడా తొలి ఇన్నింగ్స్‌లో విండీస్ 367 పరుగులకే పరిమితం చేయడంతో ఈ టెస్టులో విండీస్ గట్టి పోటీ ఇస్తుందని అంతా అనుకున్నారు. కానీ కరేబియన్ ఆటగాళ్లు మళ్లీ పాత ఫాంలోకి వెళ్లిపోయారు.

తొలి ఇన్నింగ్స్‌లో బాగా ఆడిన వెస్టిండీస్ బ్యాట్స్‌మెన్.. రెండో ఇన్నింగ్స్‌లో చేతులెత్తేశారు. ఉమేశ్ యాదవ్ మరోసారి సత్తా చాటడంతో కేవలం 127 పరుగులు మాత్రమే చేసిన విండీస్ జట్టు ఆలౌటైంది. ఇన్నింగ్స్ తొలి ఓవర్‌లోనే ఉమేశ్ యాదవ్ వెస్టిండీస్‌కు షాక్ ఇచ్చాడు. తొలి ఓవర్ రెండో బంతికి ఓపెనర్ బ్రాత్‌వైట్‌ను ఖాతా తెరకుండానే పెవిలియన్‌కు పంపాడు. ఆ తరవాత నాలుగో ఓవర్‌లో మరో ఓపెనర్ కీరన్ పావెల్‌ను అశ్విన్ డకౌట్ చేశాడు. దీంతో 6 పరుగులకే 2 వికెట్లు కోల్పోయి విండీస్ కష్టాల్లో పడింది. ఇలాంటి క్లిష్ట సమయంలో హోప్ (28), షిమ్రోన్ (17) జట్టును ఆదుకునే ప్రయత్నం చేశారు. అయితే వీళ్ల భాగస్వామ్యాన్ని కుల్పీద్ యాదవ్ విడదీశాడు. 

షిమ్రోన్‌ను కుల్పీద్ ఔట్ చేసి విండీస్‌పై ఒత్తిడి పెంచాడు. ఆ వెంటనే హోప్‌ను రవీంద్ర జడేజా ఔట్ చేశాడు. తొలి ఇన్నింగ్స్‌లో సెంచరీ బాదిన రోస్టన్ చేజ్(6)ను ఉమేశ్ యాదవ్ క్లీన్ బౌల్డ్ చేసి విండీస్‌కు కోలుకోలేని దెబ్బ కొట్టాడు. ఇన్నింగ్స్ 25వ ఓవర్ ఆఖరి బంతికి చేజ్‌ను ఉమేశ్ ఔట్ చేశాడు. అనంతరం 27వ ఓవర్ తొలి బంతికే కీపర్ డోరిచ్‌ను ఉమేశ్ డకౌట్ చేశాడు. ఇక ఆ తరవాత కెప్టెన్ హోల్డర్(19) సహా టెయిలెండర్లు క్రీజులో నిలవలేకపోయారు. దీంతో 127 పరుగులకు విండీస్ ఆలౌటైంది. భారత్ ముందు 72 పరుగుల లక్ష్యాన్ని ఉంచింది. మరి టీమిండియా ఈ లక్ష్యాన్ని ఈరోజు ఛేదిస్తుందా.. నాలుగో రోజుకు తీసుకెళ్తుందా చూడాలి. తొలి ఇన్నింగ్స్‌లో 6 వికెట్లు తీసిన ఉమేశ్ యాదవ్.. రెండో ఇన్నింగ్స్‌లో 4 వికెట్లు పడగొట్టాడు. ఒక టెస్టులో 10 వికెట్లు తీయడం ఉమేశ్‌కు ఇదే తొలిసారి. 

Leave a Reply

Your email address will not be published.

//]]>